網紅的藏寶箱呢排無得去日本，不如寫下香港有乜好野食，希望大家唔好介意
見有人介紹Bos Vinci Restaurant & Bar 話隱世食店，見openrice 都幾多下好評，又係同路人餐廳，一於book張枱食下。
舖頭唔算好大，下午兩點先去，唔算多人都坐得舒服。我地叫左個炸尤魚薯條，西班牙燒乳豬，同埋龍蝦汁海鮮意粉。
由於所有野係即整，所以製作需時。首先炸尤魚先到，新鮮炸，所以唔會好似橡筋咁咬唔開，送酒一流。跟住乳豬，火喉剛剛好，肉質嫩同皮脆，非常好食，係必叫。龍蝦汁意粉，好有龍蝦味，海鮮恰到好處，意粉剛剛好，都值得推介。
你食呢餐飯就會意會到廚師好有心機煮，服務態度係好好，我估成間餐廳都係一班後生仔打理。可以再來多次。餐廳有龍蝦宴，可以預先pm佢地傾用乜龍蝦，想點食，呢排澳洲龍蝦咁平，唔食對唔住自己，仲要感謝黨，唔係得黨我地點會有平澳洲龍蝦食。
呢餐食左HKD680 (三個餸加兩杯凍OT) ，以呢個質素，我覺得幾好。
小弟唔係食家，呢個都唔廣告，我自費去食架，大家可以支持一班用心去經營餐廳的年輕人。
#黃
Search